23 ივნისი მსოფლიო მასშტაბით აღინიშნება, როგორც საერთაშორისო ოლიმპიური დღე. ის ასახავს იმ თარიღს, როდესაც მსოფლიო, სპორტული სამყაროს მეშვეობით, უპრეცედენტო მასშტაბით გაერთიანდა.
ოლიმპიურმა თამაშებმა, თავისი შესაძლებლობებიდან გამომდინარე. საზოგადოებას მისცა მძლავრი პლატფორმა საკუთარი მისწრაფებებისა და სურვილების რეალიზაციისთვის.
ქართველი სპორტსმენები საკმაოდ წარმატებულად ასპარეზობდნენ ოლიმპიურ თამაშებზე.
გავიხსენოთ რამდენიმე ათლეტი, რომლებმაც “საერთაშორისო ოლიმპიურ თამაშებზე” თავიანთი გამარჯვებით უდიდესი სიხარული მოგვგვარეს ქართველ გულშემატკივარს:
პირველი ქართველი ოლიმპიური ჩემპიონი გახდა დავით ციმაკურიძე. 1956 წელს გამართულ მელბურნის ოლიმპიადაზე, სადაც ის” თავისუფალი ჭიდაობის ” მიმართულებით ასპარეზობდა.
სწორედ ჭიდაობაზე თამამად შეიძლება ითქვას, რომ ჩვენი გენეტიკური ეპიგონია. ამ მიმართულებით საქართველო არაერთმა ფალავანმა ასახელა ოლიმპიურ თამაშებზე, ესენია: ვახტანგ ბლაგიძე, დავით გობეჯიშვილი, ლევან თედიაშვილი, გივი კარტოზია, მანუჩარ კვირკველია, რევაზ მინდორაშვილი, რომან რურუა, ავთანდილ ქორიძე, ლაშა შავდათუაშვილი, მირიან ცალქალამანიძე, დავით ციმაკურიძე, ზვიად ზვიადაური, ირაკლი ცირეკიძე, შოთა ხაბარელი, ლერი ხაბელოვი, დავით ხახალეიშვილი, ვლადიმერ ხინჩეგაშვილი… მათ არაერთხელ აჩვენეს ეროვნული სულისკვეთება და ჟინი, რაც ქართველთათვის გენერალური მამოძრავებელი ძალაა და გაახარეს ქართველი გულშემატკივარი.
ალექსანდრე ანპილოგოვი, წარმატებული ხელბურთელი, საბჭოთა კავშირის დამსახურებული სპორტის ოსტატი , “სპორტის რაინდის” წოდების მფლობელი და სხვა უამრავი მიღწევის შემოქმედი. ერთ-ერთ ყველაზე მასშტაბურ მიღწევად მის ცხოვრებაში, სწორედ 1976 წლის ზაფხულის ოლიმპიურ თამაშებში გრანდიოზული ასპარეზობა და მოპოვებული პირველი ადგილი სახელდება.
ასევე, არანაკლებ ცნობილი ფიგურაა ქართულ სპორტულ სამყაროში ნუგზარ ასათიანი. ის სპორტული ცხოვრების თითოეულ ეტაპზე მძლავრად პოზიციონირებდა და თამამად შეიძლება ითქვას, ქართველ მოფარიკავეთათვის უალტერნატივოდ ავტორიტეტული ფიგურაა.
მან თავისი შესაძლებლობების ზენიტს 1960-იან წლებში მიაღწია – 1964 წელს მოიპოვა პირველობა ტოკიოში გამართულ ოლიმპიურ თამაშებზე.
არცთუ ისე შორეულ წარსულში ოლიმპიური ჩემპიონობის სტატუსის მოპოვება შეძლო გიორგი ასანიძემ, რომელიც ერთ-ერთ გამორჩეულ ფიგურად სახელდება ქართული ძალოსნობის ისტორიაში. ოლიმპიური ჩემპიონი 2004 წელს ათენში გამართულ “ოლიმპიურ თამაშებზე გახდა”
დიდ მოჭიდავეებთან მედალთა შედარებითი სიმცირით, მაგრამ არანაკლები მომხიბვლელობითა და სულისკვეთებით გამოირჩეოდნენ სპორტის სხვა სახეობათა წარმომადგენლები… სპორტული ესთეტიკის ჩვენება შეძლეს და ძალიან მასშტაბური აუდიტორიის სიმპათიები დაიმსახურეს ფიგურულ სრიალში ოლიმპიურმა ჩემპიონებმა – ლუკა ბელურავამ და ალინა ბუტაევამ,
აქვე შეუძლებელია, არ გაგვახსენდეს ტანვარჯიში და ამ მიმართულებით მოასპარეზე ქართველი ოლიმპიური ჩემპიონები: ვლადიმერ გოგოლაძე და მედეა ჯუღელი, რომელთაც არაერთხელ აჩუქეს საზოგადოებას საინტერესო და აღმაფრთოვანებელი სანახაობა.
ასევე, სხვა “ოლიმპიური თამაშების” ეგიდით ჩატარებული შეჯიბრებების საჩემპიონო წარმატებათა ავტორები იყვნენ: ნინო სალუქვაძე, ზურაბ საკანდელიძე, ვიქტორ სანეევი, ქეთევან ლოსაბერიძე, ლაშა ტალახაძე, ვიქტორ კრატასიუკი, გელა კეტაშვილი, ვაჟა კაჭარავა, მიხეილ ქორქია და რაფაელ ჩიმიშკიანი.
ამ ფენომენურმა ადამიანებმა თავიანთი ტრიუმფებით ჩვენი გულები მოინადირეს. ისინი ქვეყნის სახელმწიფოებრივი წარმატების განუყოფელ ნაწილს წარმოადგენენ.
www.asea.ge
კომენტარები